منتديات سبيستون



 
الرئيسيةس .و .جبحـثالتسجيلالمجموعاتدخولخريطة الموقعخدمات مواقع

شاطر | 
 

 الهداوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بيدرمان

avatar

ذكر
عدد الرسائل : 734
المزاج : عادي
العمل : طالب
مــــزاجي :
sms :


My SMS
ضع رسالتك هنا


تاريخ التسجيل : 28/02/2008

مُساهمةموضوع: الهداوي   الأربعاء يونيو 18, 2008 6:08 pm

زمانا حار يرد الشريف هداوي
يعود هاز قراقب وسنتير كناوي
يقول الحق ضاع لا دوا يداوي
حكمنا الظلم حاط فوقنا جناوي
لبسنا قشاشب بعد الحرير والكساوي
وكلمنا الزين المرصع المعاني رجعو خاوي
هداوي والحق نقول وربي لي بلاني
الدنيا رميتها ورايا مايهموني عدياني
كلمة السلام حكيتها وراني من صهدها نعاني
هداوي مانبيع بخور لا جاوي
عندي ألف حديث وحديث واش يساوي
القومان عرات نيابهارخات سلاكها
نطيح ولا نوض الهداوي اليوم مرادها
وحبابي كلها سد عليه بابو وبانو حبابها
تفكرت بلادي و ولادي وريحة ترابها
رجعت عقلي لوقات الصغر وأيامها
كنت جدي غزال طايش فغيابها
الكل يعرفني الجبال والطرقان وجنابها
واش المعمول الضن خاب وقفات على خرابها
البال جن يا سيادنا شكون اسبابها
النسا ولا المال قالو العارفين سيادها
تهت فالدنيا باغي نعرف عبادها
لقيت الحاضي نايم على وسادها
وقلة كلوها وكلو زادها
بحالي وببحالك شطبها وعوادها
مزروعين بزز فحقولها و وادها
سامحوني الكلام سبق لساني وعقلي ما رادها
جيبو قلمي ودوايتي تحكي على بعادها
قربو مني بغلتي سرجها و وتادها
أنا راحل لا تنساو الصينية الكيسان وبرادها
قاصد بلاد نصيب مكاني فيها
ما تجور عليا يكون الجهل ناسيها
والهداوي يرجع شريف حر من مواليها
يفهمو حديثي والكلمة تلقى معانيها
وأشعاري يشوفها العمى الزنزون يناديها
والمجنون يعقل حكمتي ينطق بيها
بشر واحد مدمر أرضنا وخاليها
ديورو شلى برواحنا وبحورنا بانيها
فين أرضي نشفات بمطامرها وحاسيها
غير خلوني حتى الدفلة أنا عاشقها وباغيها
هداوي ونهايتي بروحي شاريها.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://montamosiim.montadamoslim.com/index.htm
 
الهداوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سبيستون :: سبيســـ{ت}ــون الابداًع :: سبيستون الشعر والنثر-
انتقل الى: